கேரளாவில் கொரோனா பாதிப்பு 40 ஆக உயர்வு

கேரளாவில் புதிதாக 12 பேருக்கு கொரோனா வைரஸ் பாதிப்பு உறுதி செய்யப்பட்டுள்ளது. இதனால், அம்மாநிலத்தில் கொரோனா பாதிப்பு எண்ணிக்கை 40ஆக உயர்ந்தது. இது தொடர்பாக செய்தியாளர்களிடம் பேசிய அம்மாநில முதலமைச்சர் பினராயி விஜயன், எர்ணாகுளத்திற்கு சுற்றுலா வந்த இங்கிலாந்தை சேர்ந்த  5 பேருக்கும் துபாயிலிருந்து காசர்கோடு வந்த இருவர் உட்பட 6 பேருக்கும், ஐக்கிய அரபு அமீரகத்தில் இருந்து பாலக்காடு வந்த ஒருவருக்கும் கொரோனா  இருப்பது உறுதியாகி உள்ளதாகவும் கூறினார். இதுபோல, திருமண நிகழ்ச்சியில் கலந்து கொண்ட 2 எம்எல்ஏ-க்கள் சுய தனிமைப்படுத்தலுக்குள் சென்றுள்ளதாக கூறிய பினராயி விஜயன், காசர்கோடு பகுதியில் அனாதை இல்லங்கள் அலுவலகங்களை 2 வாரம் மூட உத்தரவிட்டுள்ளதாகவும், கடைகள் காலை 11 மணி முதல் மாலை 5 மணி வரை மட்டுமே திறந்திருக்கும் என்றும் கூறினார்.  கேரளாவில் தற்போது 44, ஆயிரத்து 390 பேர்  கண்காணிப்பில் உள்ளதாகவும், இவர்களில் 225 பேர், மருத்துவமனைகளுக்கு மாற்றப்பட்டு உள்ளதாகவும்  தெரிவித்தார்.