வெற்றிகரமாக விண்ணில் செலுத்தப்பட்டது பிஎஸ்எல்வி-சி 47

ஆந்திர மாநிலம் ஸ்ரீஹரிகோட்டாவின் சதீஷ் தவான் மையத்தில் இருந்து, காலை 9.28 மணி அளவில்,  பி.எஸ்.எல்.வி. சி-47 ராக்கெட் விண்ணில் ஏவப்பட்டது.  உள்நாட்டு தொழில்நுட்பத்தில் தயாரிக்கப்பட்ட அதிநவீன கார்டோசாட் - 3  செயற்கைகோள், ஆயிரத்து 625 கிலோ எடை கொண்டது. புவியிலிருந்து 509 கிலோ மீட்டர் உயர சுற்றுவட்ட பாதையில் 97.5 டிகிரி சாய்வில் இது நிலை நிறுத்தப்பட உள்ளது. 5 ஆண்டுகள் செயல்பாட்டில் இருக்கும் இந்த செயற்கைகோள் புவி ஆராய்ச்சி மற்றும் ராணுவ ரீதியிலான பாதுகாப்புக்கு உதவிகரமாக இருக்கும் என இஸ்ரோ தெரிவித்துள்ளது. 

குறிப்பாக, கார்டோசாட்-3 செயற்கைக்கோள் வானில் மேகக் கூட்டங்களை ஊடுருவி துல்லியமாக புகைப்படங்களை எடுத்து அனுப்பும் திறன் கொண்டது. எல்லைப் பகுதியில் தீவிரவாதிகள் ஊடுருவல், எதிரிகளின் ராணுவ நிலைகள் மற்றும் பதுங்கு குழிகளை மிகவும் துல்லியமாக கண்காணிக்க முடியும் என்றும் இஸ்ரோ விஞ்ஞானிகள் கூறுகின்றனர்.