சிறுவனின் உயிரை காக்க அதிவேகத்தில் ஆம்புலன்ஸ் : உயிரை துச்சமென மதித்த டிரைவருக்கு மக்கள் பாராட்டு

புற்றுநோய்  பாதித்த சிறுவனின் உயிரை காப்பாற்ற 366 கிலோ மீட்டர் தூரத்தை ஆம்புலன்ஸ் ஒன்று, 5 மணி நேரத்தில் அதி விரைவாக கடந்தது. இந்த ஆம்புலன்ஸை தொண்டியை சேர்ந்த 38 வயதான முகமது இஜாஸ் என்பவர் ஓட்டினார். ராமநாதபுரம் அருகே அழகன்குளம் என்ற கிராமத்தை சேர்ந்த 13 வயது சிறுவன் முகமது அமீருல் என்பவர், மதுரை மருத்துவமனையில் அனுமதிக்கப்பட்டிருந்தார். புதுவை ஜிப்மர் மருத்துவமனைக்கு 8 மணி நேரத்திற்குள் கொண்டு சென்றால் மட்டுமே , இந்த சிறுவனை காப்பாற்ற முடியும் என்று டாக்டர்கள் அறிவித்து விட்டனர். எனவே, மதுரையில் இருந்து புறப்பட்ட ஆம்புலன்ஸ், 5 மணி நேரத்தில், புதுச்சேரியை வந்தடைந்தது.