இந்தியாவின் மொத்த உள்நாட்டு உற்பத்தி 6 ஆண்டுகளில் முதல் முறையாக சரிவு

இந்தியாவின் மொத்த உள்நாட்டு உற்பத்தி , முன் எப்போதும் இல்லாத அளவுக்கு, கடந்த 6 ஆண்டுகளில் , முதன்முறையாக பெரும் சரிவை சந்தித்துள்ளது. 2013 ம் ஆண்டின் ஏப்ரல் -ஜூன் மாதங்களுக்கு பிறகு, இந்தியாவின் பொருளாதார வளர்ச்சி, முதல் காலாண்டில், 5 சதவீதமாக சரிந்துள்ளது. அதாவது, 5 புள்ளி 8 சதவீதத்தில் இருந்து, இந்த சரிவு நிகழ்ந்தது. அதேநேரம், கடந்த ஆண்டு இதே கால கட்டத்தில், பொருளாதார வளர்ச்சி, 8 சதவீதமாக இருந்தது என்பதை பொருளாதார நிபுணர்கள் சுட்டிக்காட்டி உள்ளனர். இதனிடையே, இந்தியாவின் தலைமை பொருளாதார ஆலோசகர் கே. வி. சுப்பிரமணியன், பொருளாதாரம் மீண்டும் பழைய நிலையை எட்ட, அனைத்து நடவடிக்கைகளும் எடுக்கப்பட்டு வருவதாக விளக்கம் அளித்துள்ளார்.