அயோத்தி சர்ச்சைக்குரிய நிலம் தொடர்பான வழக்கு : தூண்களில் சிவபெருமான் உருவங்கள் இருந்தன

அயோத்தியில் சர்ச்சைக்குரிய இடத்தில் மசூதி எழுப்பப்படுவதற்கு முன்பு கோயில் இருந்ததற்காக சாத்தியக்கூறுகள் அதிகம் உள்ளதாக உச்ச நீதிமன்றத்தில் வாதிடப்பட்டது. அயோத்தியில் சர்ச்சைக்குரிய நிலம் யாருக்கு சொந்தமானது என்பது தொடர்பாக மேல்முறையீட்டு மனு மீதான விசாரணை உச்ச நீதிமன்ற அரசியல் சாசன அமர்வில் 7- வது நாளாக நடைபெற்றது. அப்போது சர்ச்சைக்குரிய இடத்தில் மசூதி கட்டப்பட்டதற்கான ஆதாரங்கள் குறித்து  நீதிபதிகள் கேள்வி எழுப்பினார். அப்போது ராம் லாலா விராஜ்மன் அமைப்பின் சார்பில் ஆஜரான வழக்கறிஞர் வைத்தியநாதன், கடந்த 1950ம் ஆண்டு ஏப்ரல் 16-ம் தேதி சர்ச்சைக்குரிய இடத்தில் நீதிமன்ற ஆணையர் ஆய்வு மேற்கொண்டதாகவும், அவரது அறிக்கையில், அங்குள்ள தூண்களில் சிவபெருமான் உருவங்கள் இருந்ததாக குறிப்பிடப்பட்டு உள்ளதாகவும் தெரிவித்தார்.