குப்பம் தொகுதியில் களமிறங்கும் சந்திரபாபு நாயுடு...

ஆந்திர சட்டசபை தேர்தலில், குப்பம் தொகுதியில், 7வது முறையாக சந்திரபாபு நாயுடு களம் இறங்குகிறார். ஆந்திர சட்டசபை தேர்தல் அறிவிக்கப்பட்டுள்ள நிலையில், தெலுங்கு தேசம் கட்சியின் முதல் வேட்பாளர் பட்டியல் வெளியிடப்பட்டுள்ளது. மொத்தம் உள்ள 175 தொகுதியில் 126 தொகுதிகளுக்கு வேட்பாளர்களை கட்சியின் தலைவரும் முதலமைச்சருமான சந்திரபாபு நாயுடு அறிவித்துள்ளார்.  பட்டியலில், அவரது மகன் லோகேஷ், மங்களகிரி தொகுதியில் போட்டியிடுவதாக குறிப்பிடப்பட்டுள்ளது. அதே நேரத்தில், துணை முதலமைச்சர் கிருஷ்ணமூர்த்தி, அமைச்சர் பரிதால சுனிதா ஆகியோரின் பெயர்கள் பட்டியலில் இல்லை. இன்று திருப்பதியில் ஏழுமலையானை தரிசனம் செய்து விட்டு, தீவிர தேர்தல் பிரசாரத்தில் ஈடுபட உள்ளதாக சந்திரபாபு நாயுடு தெரிவித்துள்ளார்.