காஷ்மீரில் தீவிரவாதிகள் தாக்குதல் : 44 சி.ஆர்.பி.எப். வீரர்கள் வீர மரணம்...

புல்வாமா மாவட்டத்தில் உள்ள அவந்திபுரா அருகே, விடுமுறைக்கு பின்னர் பணிக்கு திரும்பிய வீரர்கள், இரண்டாயிரத்து 500 பேர், 78 வாகனங்களில் சென்று கொண்டிருந்தனர். அப்போது, ஜெய்​ஸே இ முகமது அமைப்பை சேர்ந்த தீவிரவாதி ஒருவர் 350 கிலோ வெடிமருந்துகள் அடங்கிய ஸ்கார்பியோ வாகனத்தை, வீரர்கள் வந்த  பேருந்து மீது மோதி தாக்குதல் நடத்தியுள்ளார். இதில் 44 வீரர்கள் உயிரிழந்துள்ளனர். படுகாயமடைந்த வீரர்கள் ஸ்ரீநகர் ராணுவ முகாமில் சிகிச்சைக்கு அனுமதிக்கப்பட்டு உள்ளனர். இந்த தாக்குதலுக்கு குடியரசுத் தலைவர் ராம்நாத் கோவிந்த், பிரதமர் மோடி, பல்வேறு கட்சி தலைவர்கள் மற்றும் இந்தியாவுக்கான அமெரிக்க தூதர் கடும் கண்டனத்தை தெரிவித்துள்ளனர். இந்த நிலையில், இன்று காலை 9.15 மணிக்கு பாதுகாப்புக்கான அமைச்சரவை குழு கூட்டம் கூடவுள்ளது.