எரிவாயு நேரடி மானியம் - மாற்றமா? | தந்தி குழுமம் நடத்திய பிரமாண்ட கருத்துக்கணிப்பு
பதிவு : பிப்ரவரி 11, 2019, 08:45 AM
சமையல் எரிவாயு சிலிண்டருக்கான மானியம் வங்கி கணக்கில் செலுத்தப்படுவது தொடர்பாக தந்தி குழுமம் பிரமாண்ட கருத்துக்கணிப்பை நடத்தியுள்ளது
நாடாளுமன்ற தேர்தலுக்கு நாடே தயாராகி வரும் நிலையில், கடந்த 5 ஆண்டுகளாக மத்திய அரசு கொண்டு வந்த முக்கிய திட்டங்கள் தமிழகத்திற்கு பயனளித்துள்ளதா? என்பதை அறிந்துகொள்ள, தந்தி டி.வி., தினத்தந்தி நாளிதழ், மாலைமலர் மற்றும் DT next இணைந்து மாபெரும் கருத்துக் கணிப்பு நடத்தியது. 

மத்திய அரசின்  முதல் முன்னெடுப்புகளில் ஒன்றாக இருந்தது, சமையல் எரிவாயு மானியத்தை நேரடியாக வங்கி கணக்கில் செலுத்தும் PAHAL திட்டம். காங்கிரஸ் ஆட்சி காலத்திலேயே இதற்கான பரிசோதனை நடந்தாலும், பா.ஜ.க ஆட்சியில் தான் இந்த திட்டம் இந்தியா முழுவதும் அமலுக்கு வந்தது. திட்டம் அமலுக்கு வந்த 1.1.2015 அன்று, மானியமில்லாத சமையல் எரிவாயுவின் விலை 705 ரூபாயாக இருந்தது. மானியத்துடன் கூடிய சிலிண்டர் விலை 405 ரூபாய்.

நவம்பர் 2018ல், சிலிண்டரின் மார்க்கெட் விலை 960 ரூபாய் என்ற உச்சத்தை தொட்டது. அப்போது மானிய விலை 495 ரூபாயானது. 2019ல் மார்க்கெட் விலை குறைந்து, மீண்டும் 705 ரூபாயாக உள்ளது. ஆனால் மக்கள் கொடுக்கும் மானிய விலை ரூ. 483 என்ற அளவில் தொடர்கிறது. அதாவது 4 ஆண்டுகளில் கேஸ் விலை சுமார் 80 ரூபாய் அதிகரித்துள்ளது.

இந்த திட்டம் சரியாக செயல்படுத்தப்படுகிறதா என்பது பற்றி, தமிழகம் முழுவதும் 3,428 பேரிடம் தந்தி டி.வி, தினத்தந்தி நாளிதழ், மாலைமலர், மற்றும் DT next நிருபர்கள் தமிழகம் முழுவதும் கருத்து கேட்டனர். 32 மாவட்டங்களில் கிராமம் முதல் மாநகரம் வரை ஆண்கள், பெண்கள் என அனைத்து தரப்பினரின் கருத்தும் கேட்கப்பட்டது.

எரிவாயு சிலிண்டர் முன்பதிவு செய்யும் போது உடனடியாக கிடைக்கிறதா? என்ற கேள்விக்கு, கிடைக்கிறது என்று 72% பேரும், தாமதமாகிறது என்று 28% பேரும் தெரிவித்தனர். சமையல் எரிவாயு மானியம் உங்கள் வங்கி கணக்கில் தவறாமல் செலுத்தப்படுகிறதா? என்ற கேள்விக்கு, 79% மக்கள் செலுத்தப்படுகிறது என்றும், 21% மக்கள் இல்லை என்றும் பதிலளித்துள்ளனர்.

2014க்கு பிறகு, சமையல் எரிவாயு விலை கட்டுப்பாட்டில் வைக்கப்பட்டுள்ளதா? என்ற கேள்விக்கு, 7% மக்கள் ஆம் என்றும், 79% மக்கள் கட்டுப்பாட்டில் இல்லை என்றும் தெரிவித்துள்ளனர். 14% மக்கள் சிலிண்டர்  விலை ஓரளவு கட்டுப்பாட்டில் உள்ளதாக கூறியுள்ளனர்.

சமையல் எரிவாயு மானியத்தை வங்கி கணக்கில் செலுத்துவதை வரவேற்கிறீர்களா? என்ற கேள்விக்கு, 64% மக்கள் ஆம் என்றும், 36% மக்கள் இல்லை என்றும் பதிலளித்தனர். இந்த கேள்விக்கு ஆம் என்று பதிலளித்தவர்களில் 61.5% ஆண்கள். 38.5% மட்டுமே பெண்கள். இதன் மூலம், மானிய தொகையை வங்கியில் செலுத்துவதை காட்டிலும், நேரடியாக பொருள் விலையை குறைப்பதே பெண்களின் தேர்வாக இருப்பது தெரியவருகிறது. 

இன்னொரு பக்கம் மானிய தொகை வங்கி கணக்கில் செலுத்துவதை ஆண்கள் வரவேற்பதற்குக் காரணம் பெரும்பாலான வங்கிக் கணக்குகள் இவர்களால் கையாளப்படுகிறது என்பதும் தெரிய வந்துள்ளது. 

இந்தக் கருத்துக் கணிப்பு பற்றிய இன்னும் விரிவான சுவாரஸ்யமான தகவல்கள் கள நிலவரங்களுடன் இன்று இரவு ஒளிபரப்பாக இருக்கும் ஒரு விரல் புரட்சியில் இடம் பெற உள்ளது. 

தொடர்புடைய செய்திகள்

இலங்கை தமிழர்களை பாதுகாக்க பிரதமர் மோடியால் மட்டுமே முடியும் - பொன்.ராதாகிருஷ்ணன்

இலங்கை தமிழர்கள் உட்பட உலகம் முழுவதும் உள்ள தமிழர்களை பாதுகாக்க பிரதமர் மோடியால் மட்டுமே முடியும் என பொன்.ராதாகிருஷ்ணன் தெரிவித்துள்ளார்.

189 views

அரசுப் பள்ளிகளில் சேரும் மாணவர்களின் எண்ணிக்கை சரிவு : தனியாரில் அதிகரிப்பு

தமிழக அரசுப் பள்ளிகளில் சேரும் மாணவர்களின் எண்ணிக்கை அதிரடியாக சரிவடைந்தது, கல்வியாளர்கள் மற்றும் சமூக ஆர்வலர்களை வருத்தமடையச் செய்துள்ளது.

5213 views

களவாணி மாப்பிள்ளை படத்தின் டிரெய்லர் வெளியீடு

நடிகர் தினேஷ், அதிதி மேனன் நடிப்பில் உருவாகி இருக்கும் களவாணி மாப்பிள்ளை படத்தின் டிரெய்லர் வெளியாகி உள்ளது.

6290 views

பிற செய்திகள்

சேப்பாக்கம் கடைவீதியில் பிராவோ

உலகம் முழுவதும் சென்னை சூப்பர் கிங்ஸ் அணிக்கு ரசிகர்கள் இருப்பதாக பிராவோ பெருமிதம் தெரிவித்துள்ளார்.

219 views

ரஷ்ய, வடகொரிய அதிபர்கள் இன்று முக்கிய பேச்சு

ரஷ்ய அதிபர் விளாதிமீர் புதின் மற்றும் வடகொரிய அதிபர் கிம் ஜாங் உன்-ஐ இன்று சந்தித்து பேசினார்.

9 views

கருங்கல்பாளையம் மாட்டுச்சந்தையில் 90 % மாடுகள் விற்பனை

தேர்தல் நடத்தை விதிமுறைகள் அமலில் இருந்ததால் நடைபெறாமல் இருந்த, கருங்கல்பாளையம் மாட்டுச் சந்தை இன்று மீண்டும் நடைபெற்றது.

7 views

"தமிழக கடல் பகுதிகளை பாதுகாக்க அதிநவீன படகுகள்" - கடலோர காவல்படை ஏடிஜிபி தகவல்

தமிழக கடல் பகுதிகளை பாதுகாக்க 19 அதிநவீன படகுகளை மத்திய அரசு வழங்க உள்ளதாக, கடலோர காவல்படை ஏடிஜிபி வன்னியபெருமாள் தெரிவித்துள்ளார்

4 views

பொன்னேரியில் களைகட்டிய சித்திரை தேரோட்டம்

திருவள்ளூர் மாவட்டம் பொன்னேரியில் கரிகாலசோழனால் கட்டப்பட்ட சவுந்தரவல்லி தாயார் கோயில் சித்திரை தேரோட்டம் வெகுவிமரிசையாக நடைபெற்றது

11 views

"நெல்லையில் இந்தாண்டு முதல் முதுநிலை பட்டப்படிப்பு" - கால்நடை மருத்துவ பல்கலை. துணைவேந்தர் தகவல்

கால்நடை மருத்துவப் படிப்பிற்கான மாணவர் சேர்க்கைக்கான ஏற்பாடுகள் நடந்து வருவதாகவும், விரைவில் இதற்கான அறிவிப்பு வெளியாகும் எனவும் தமிழக கால்நடை மருத்துவ பல்கலைக்கழக துணைவேந்தர் பாலச்சந்திரன் தெரிவித்துள்ளார்.

14 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.