கொச்சி விமானநிலைய உள்நாட்டு முனையம் திறப்பு

கேரளா மாநிலம்,  கொச்சி சர்வதேச விமான நிலையத்தில் புதுப்பிக்கப்பட்ட உள்நாட்டு முனையத்தை அம்மாநில முதலமைச்சர் பினராயி விஜயன் திறந்து வைத்தார். 240 கோடி ரூபாய் மதிப்பில், நவீன வசதிகளுடன் கேரள பாரம்பரிய கட்டடக்கலை பாணியில் இந்த முனையம் அமைக்கப்பட்டுள்ளது. 4 லட்சம் சதுரடியில், 4 ஆயிரம் பயணிகளை கையாளும் திறன் கொண்ட இந்த முனையத்தில், 56 கவுண்டர்கள், ஏழு ஏரோபிரிட்ஜ்கள் உள்ளிட்டவை கட்டப்பட்டுள்ளன. சிறப்பம்சமாக, கேரள பாரம்பரிய நடனம், ஓவியத்தை பறைசாற்றும் கலை கூடமும் புதிய முனையத்தில் ஏற்படுத்தப்பட்டுள்ளது.