சொந்த கட்சி தலைவர் பெயரை தெரியாதவர் ராகுல் - பிரதமர் மோடி
சொந்த கட்சியின் தலைவர் பெயரை கூட தெரியாத நிலையில் ராகுல் காந்தி இருப்பதாக, பிரதமர் மோடி கேள்வி விமர்சித்துள்ளார்.
* சட்டப்பேரவை தேர்தல் நடைபெறும் ராஜஸ்தானில் இன்று மாலையுடன் பிரசாரம் நிறைவடைகிறது. இந்நிலையில், அங்குள்ள சுமர்புர் பகுதியில் நடந்த பாஜக பொதுக்கூட்டத்தில் பிரதமர் மோடி பங்கேற்று பேசினார். அப்போது, கடந்த 70 ஆண்டுகளாக சமூகத்தில் பல்வேறு பிரிவினைகளை காங்கிரஸ் கட்சி உருவாக்கி இருப்பதாக குற்றஞ்சாட்டினார்.
* சோனியா மற்றும் ராகுல் காந்தியின், வருமான வரி கணக்கு விபரங்களை மறு ஆய்வு செய்ய உச்ச நீதிமன்றம் அனுமதி அளித்துள்ளதை சுட்டிக் காட்டிய மோடி, மத்திய அரசுக்கு கிடைத்த வெற்றி என குறிப்பிட்டார். அகஸ்டா வெஸ்ட்லேண்ட் ஹெலிகாப்டர் ஊழல் உள்ளிட்ட முறைகேடுகளை விசாரிக்க தொடங்கி உள்ளதால் ஜாமீனில் இருக்கும் சோனியாவும், ராகுலும் கோபத்தில் இருப்பதாகவும் மோடி விமர்சித்தார்.
* ராஜஸ்தான் மாநிலத்தின் பிரபல காங்கிரஸ் தலைவர் 'கும்பராம்' பெயரை 'கும்பகர்ணன்' என ராகுல் காந்தி பேசியதாக குறிப்பிட்ட பிரதமர் மோடி, தனது சொந்த கட்சியின் தலைவர் பெயரை கூட தெரியாதவர் பதவிக்கு வந்தால் ஆட்சி எப்படி இருக்கும்? எனவும் கேள்வி எழுப்பினார்.
Next Story
