மும்பை : நடிகை தீபிகா படுகோனே வசிக்கும் குடியிருப்பில் ​தீ

மும்பையின் வொர்லி பகுதியில் உள்ள அடுக்குமாடி குடியிருப்பின் 32 மற்றும் 33வது தளத்தில் திடீரென தீ விபத்து ஏற்பட்டது. மளமளவென பரவிய தீயானது அடுத்தடுத்த தளங்களுக்கும் பரவியது. இதையடுத்து தீயை அணைக்கும் பணியில் ஏராளமான தீயணைப்பு வீரர்கள் ஈடுபட்டுள்ளனர். இருந்தபோதிலும் தீ வேகமாக பரவி வருவதால் முற்றிலுமாக அணைக்க முடியாத நிலை ஏற்பட்டுள்ளது. இதில் அடுக்குமாடி குடியிருப்பில் இருந்த 90 சதவீதத்திற்கும் அதிகமானோர் பத்திரமாக மீட்கப்பட்டனர். பிரம்மாண்ட அடுக்குமாடி குடியிருப்பு என்பதால் சேதம் அதிகமாக இருக்கும் என கூறப்படுகிறது. பிரபல நடிகை தீபிகா படுகோனே வசிக்கும் அடுக்குமாடி குடியிருப்பு பகுதி இது என்பது குறிப்பிடத்தக்கது.