சிமெண்ட் நிறுவனத்தில் பணத்தை இழந்த நடிகை சினேகா - ஆந்திராவை சேர்ந்த சிமெண்ட் நிறுவனம் மீது புகார்
பதிவு : நவம்பர் 18, 2021, 07:35 PM
ஆந்திராவை சேர்ந்த சிமெண்ட் நிறுவனத்தில் பணத்தை முதலீடு செய்திருந்த நிலையில் தாங்கள் ஏமாற்றப்பட்டதாக கூறி நடிகை சினேகா போலீசில் புகார் மனு அளித்துள்ளார்.
ஆந்திராவை சேர்ந்த சிமெண்ட் நிறுவனத்தில் பணத்தை முதலீடு செய்திருந்த நிலையில் தாங்கள் ஏமாற்றப்பட்டதாக கூறி நடிகை சினேகா போலீசில் புகார் மனு அளித்துள்ளார். 

தமிழ் சினிமாவின் நட்சத்திர தம்பதிகள் நடிகர் பிரசன்னா - நடிகை சினேகா. திருமணமாகி 2 குழந்தைகள் பிறந்த பிறகும் தொடர்ச்சியாக அடுத்தடுத்து சினிமாவில் நடித்து ஏராளமான ரசிகர்களை பெற்றிருக்கிறார் சினேகா. 

பிரசன்னா - சினேகா தம்பதி தன் குழந்தைகளுடன் கிழக்கு கடற்கரை சாலை பனையூர் பகுதியில் வசித்து வந்தனர். இதனிடையே, பிரசன்னாவின் நண்பரான பிரசாந்த் என்பவர், ஆந்திராவை சேர்ந்த கோலேரி சிமெண்ட்ஸ் என்ற நிறுவனத்தில் பணத்தை முதலீடு செய்துள்ளார். 40 லட்ச ரூபாய் பணத்தை, தான் அந்த நிறுவனத்தில் முதலீடு செய்ததாகவும், அங்கு தயார் செய்யப்படும் ஒரு சிமெண்ட் மூட்டைக்கு 2 ரூபாய் வரை லாபம் கிடைத்ததாகவும் கூறியிருக்கிறார். இதனை சிமெண்ட் நிறுவனத்தின் இயக்குநர்களில் ஒருவரான ஸ்ரீராஜ் என்பவரும் உறுதிப்படுத்தவே, அதனை முழுமையாக நம்பிய சினேகா, 26 லட்ச ரூபாய் பணத்தை அந்த சிமெண்ட் நிறுவனத்தில் முதலீடு செய்துள்ளார். 

அதன்படி, கடந்த மே மாதம் ஸ்ரீ ராஜ் மூலம், சிமெண்ட் நிறுவனத்துடன் ஒப்பந்தம் செய்து கொண்டுள்ளார் நடிகை சினேகா. அவர் முதலீடு செய்த 26 லட்ச ரூபாய் பணத்திற்கு மாதந்தோறும் ஒரு லட்சத்து 80 ஆயிரம் ரூபாய் தரப்படும் என ஒப்பந்தமும் கையெழுத்தானது.

ஆனால் ஆறு மாதங்கள் ஆகியும் ஒப்பந்தத்தின்படி மாதந்தோறும் தர வேண்டிய லாப பணத்தை தராமல் இருந்துள்ளனர். இதனால் அதிர்ச்சியடைந்த சினேகா, தான் முதலீடு செய்த பணத்தை கேட்டுள்ளார். அதையும் அவர்கள் திருப்பி தராமல் போகவே கடந்த 16ஆம் தேதி நீலாங்கரை காவல் நிலையத்தில் சினேகா புகார் அளித்தார். 

ஆனால் சினேகாவின் வீடு கானாத்தூர் காவல் நிலைய எல்லைக்குட்பட்ட பகுதி என்பதால் புகாரானது அங்கு மாற்றப்பட்டு விசாரணை நடந்து வருகிறது. இதில் முதற்கட்டமாக சிமெண்ட் நிறுவனத்தின் இயக்குனர் ஸ்ரீ ராஜுக்கு சம்மன் அனுப்பி  விசாரணை நடத்த கானாத்தூர் போலீசார் முடிவு செய்துள்ளனர்.

தொடர்புடைய செய்திகள்

நம்பி நாராயணன் வழக்கு - உளவுத்துறைக்கு உத்தரவு

இஸ்ரோ முன்னாள் விஞ்ஞானி நம்பி நாராயணனை உளவு வழக்கில் சிக்க வைத்ததாக குற்றம்சாட்டப்பட்டவர்களுக்கு ஜாமின் வழங்கப்பட்டதை எதிர்த்து, சிபிஐ தாக்கல் செய்த மனுவிற்கு பதில் அளிக்குமாறு உளவுத்துறைக்கு உச்சநீதிமன்றம் உத்தரவிட்டு உள்ளது.

201 views

மாசு கட்டுப்பாட்டு வாரிய முன்னாள் தலைவர் வெங்கடாசலம் தற்கொலை

மாசு கட்டுப்பாட்டு வாரிய முன்னாள் தலைவர் வெங்கடாசலம் தற்கொலை

107 views

கரூரில் வெளுத்து வாங்கும் கனமழை - மிதக்கும் குடியிருப்புகள்

கரூரில் பெய்து வரும் தொடர் மழை காரணமாக குடியிருப்பு பகுதிகளை வெள்ளநீர் சூழ்ந்துள்ளது.

22 views

பிற செய்திகள்

"தர்மபுரி மாவட்டம் பலமடைந்துள்ளது" - முதலமைச்சர் ஸ்டாலின் பெருமிதம்

நகர்ப்புற உள்ளாட்சி தேர்தலில் 100 சதவிகிதம் வெற்றி பெற உழைக்க வேண்டும் என திமுக தொண்டர்களை முதலமைச்சர் மு.க.ஸ்டாலின் கேட்டுக்கொண்டுள்ளார்.

7 views

தொடர் கனமழையால் வீடுகளை சூழ்ந்த வெள்ளம்

மதுரை மாவட்டம் திருமங்கலம் பகுதியில் வெள்ள நீர் சூழ்ந்த வீடுகளில் இருந்து பொதுமக்களை தீயணைப்புத் துறையினர் பத்திரமாக மீட்டுள்ளனர்.

7 views

"தமிழகத்தில் 3 மாவட்டங்களில் கொரோனா அதிகரிப்பு"

தமிழகத்தில் 3 மாவட்டங்களில் கொரோனா தொற்று அதிகரித்து வருவதாக தெரிவித்துள்ள மத்திய சுகாதாரதுறை, கொரோனா தொற்றை கட்டுப்படுத்த தமிழக அரசு நடவடிக்கை எடுக்க வேண்டும் என கேட்டுக்கொண்டுள்ளது

744 views

தி.மு.க. சார்பில் நடைபெற்ற மருத்துவ முகாம் - 2 அமைச்சர்கள் தொடங்கி வைத்தனர்

சென்னை துறைமுகம் தொகுதியில் திமுக சார்பில் நடைபெற்ற மருத்துவ முகாமை அமைச்சர்கள் சக்கரபாணி, சேகர்பாபு, நாடாளுமன்ற உறுப்பினர் தயாநிதி மாறன் ஆகியோர் தொடங்கி வைத்தனர்.

11 views

மகாராஷ்டிராவில் ஒருவருக்கு ஓமிக்ரான் தொற்று

மகாராஷ்டிராவில் ஒருவருக்கு ஓமிக்ரான் கொரோனா தொற்று

13 views

அடகு கடையில் கை வைத்த கொள்ளையர்கள்

செங்கல்பட்டு மாவட்டம் மதுராந்தகம் பகுதியில் நகை மற்றும் அடகு கடையில் இருந்து சுமார் ரூபாய் 40 லட்சம் மதிப்பிலான தங்கம் மற்றும் வெள்ளிப் பொருட்களை மர்மநபர்கள் கொள்ளையடித்துச் சென்றுள்ளனர்.

10 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.