தீபாவளிக்கு அண்ணாத்த vs மாநாடு -வலிமை ரிலீசாகுமா என எதிர்பார்ப்பு

பொங்கல், தீபாவளி என்றாலே பெரிய நடிகர்களின் படம் ரிலீஸ் என்பது தமிழ் சினிமாவில் தொன்று தொட்டு வரும் வழக்கம்..ரஜினி, கமல், விஜய், அஜித் போன்ற உச்ச நட்சத்திரங்களோ அல்லது முன்னணி இயக்குனர்களின் படைப்புகளோ வரிசைக்கட்டி போட்டிபோடும் கடந்த ஆண்டு தீபாவளி ரிலீஸுக்கு கொரோனா தடை போட்டாலும், பொங்கல் விருந்தாக ரசிகர்களை குஷிப்படுத்தின மாஸ்டர், ஈஸ்வரன் திரைப்படங்கள்..பொங்கல் பண்டிகையின் போது விஜயுடன் போட்டி போட்ட சிலம்பரசன், தற்போது ரஜினியின் அண்ணாத்த படத்துக்கு போட்டியாக மாநாடுடன் தயாராகிவிட்டார்..தீபாவளிக்கு நாங்கள் ரெடி என ஏற்கனவே அறிவித்த அண்ணாத்த படக்குழு, விநாயகர் சதுர்த்தி தினத்தில், ரஜினியின் மாஸை வெளிக்காட்டும் விதமாக மோசன் போஸ்டரை வெளியிட்டு இணையத்தை தெறிக்கவிட்டது.தற்போது மாநாடு படமும் தீபாவளிக்கு ரிலீசாகும் என அறிவிப்பை வெளியிட்டு தனது ரசிகர்களை மகிழ்வித்துள்ளார் சிலம்பரசன்..

பெரிய ஹிட்டிற்காக காத்திருக்கும் சிலம்பரசன்... வெங்கட்பிரபு இயக்கம். எஸ்.ஜே சூர்யா உட்பட பெரும் நட்சத்திர பட்டாளம்... யுவன்சங்கர் ராஜா மியூசிக்... இவை அனைத்துமே மாநாட்டை மிகவும் எதிர்பார்க்க வைக்கும் அம்சங்கள்..இவை எல்லாம் ஒருபுறம் என்றால் நீண்ட நாட்களாக ரசிகர்களை அப்டேட்க்காக காக்க வைத்த வலிமை படக்குழு, தீபாவளிக்கு படத்தை ரிலீஸ் செய்வதில் முனைப்பு காட்டுவதாக பேசப்படுகிறது.ஒருவேளை அவர்களும் களத்தில் குதித்தால் ரஜினி, அஜித்துடன் மோத வேண்டிய நிலை சிம்புவிற்கு உருவாகலாம்..மூன்று தயாரிப்பாளர்களும் எதிர்பார்க்கும் அளவிற்கு திரையரங்குகள் கிடைக்குமா என்ற கேள்வியும் உள்ளது.எது எப்படி இருந்தாலும் கொரோனா பரவல் கட்டுக்குள் இருந்தால், திரையரங்கில் ரசிகர்களுக்கு விருந்து நிச்சயம் என்பதே அண்ணாத்த, மாநாடு படக்குழுவினரின் எதிர்பார்ப்பு...