மலைவாழ் மக்களின் சோகத்தை சொல்லிய "தேன்" - 2020-ம் ஆண்டின் சிறந்த படமாக தேர்வு

இயக்குநர் கணேஷ் விநாயகனின் தேன் திரைப்படத்துக்கு புதுச்சேரி அரசு விருது அறிவித்து உள்ளது. மலைவாழ் மக்களின் மறைக்கப்பட்ட வாழ்வியலை விவரிக்கும் வகையில், தேன் என்ற திரைப்படம் வெளியானது. குரங்கணி மலையை மையமாக கொண்டு எடுக்கப்பட்ட இந்த படம் பல்வேறு பாராட்டுகளைப் பெற்ற நிலையில், கடந்த ஆண்டுக்கான சிறந்த படமாக தேன் திரைப்படத்தை புதுச்சேரி அரசு தேர்வு செய்து உள்ளது. சிறந்த படத்துக்கான ஸ்ரீ சங்கரதாஸ் சுவாமிகள் விருதுடன், 1 லட்சம் ரூபாய் பரிசுத் தொகையும் தேன் படத்தின் இயக்குநர் கணேஷ் விநாயகனுக்கு வழங்கப்படும் என்று புதுச்சேரி அரசு தெரிவித்து உள்ளது.