ரோல்ஸ் ராய்ஸ் கார் வைத்திருக்கும் பிரபலங்கள்

ரோல்ஸ் ராய்ஸ் கார் வைத்திருக்கும் பிரபலங்கள் பற்றிய சுவாரஸ்ய தொகுப்பை பார்க்கலாம்.

இங்கிலாந்தில் 1905 ஆம் ஆண்டு முதன் முதலில் தயாரிக்கப்பட்ட ரோல்ஸ் ராய்ஸ் கார்கள், ஒரு பந்தயத்தில் கலந்து கொண்டதன் மூலம் உலகளவில் பிரபலமானது. அழகும், கம்பீரமும், வேகமும் நிறைந்த ரோல்ஸ் ராய்ஸ் கார்களை வைத்திருப்பதே கவுரவம்

என்ற நிலை உருவானது.

ஒவ்வொரு வாடிக்கையாளரின் விருப்பத்திற்கும், எண்ண ஓட்டத்திற்கும் ஏற்றவாறு, ஒவ்வொரு காரையும் ரோல்ஸ்ராய்ஸ் தனித்துவத்துடன் தயாரித்து கொடுக்கிறது. இதனை ஆங்கிலத்தில் 'Bespoke' கார் மாடல்கள் என்று குறிப்பிடுகின்றனர்.

இந்தியாவில் ரோல்ஸ் ராய்ஸ் கார்கள் வாங்குவதை பிரபலங்கள் அதிகம் விரும்புகின்றனர். விருது வழங்கும் நிகழ்ச்சிகள் போன்ற முக்கிய நிகழ்ச்சிகளில் கலந்துக் கொள்ளும் போது பிரபலங்கள் இந்த காரில் வந்து இறங்குவதை காண ரசிகர்கள் கூட்டம் அலைமோதும்.

அமிதாப் பச்சன், பிரியங்கா சோப்ரா உள்ளிட்ட பாலிவுட் பிரபலங்கள், ரோல்ஸ் ராய்ஸ் கோஸ்ட் கார்களையே பயன்படுத்துகின்றனர்.

தமிழில் முன்னணி நடிகராக வலம் வரும் நடிகர் விஜய் ரோல்ஸ் ராய்ஸ் நிறுவனத்தின் "கோஸ்ட்" ரக கார் வைத்திருக்கிறார். இந்த காருக்கான வரி செலுத்தும் விவகாரம்தான் தற்போது பேசுபொருளாகி இருக்கிறது.

பிரம்மாண்ட இயக்குனர் என்றழைக்கப்படும் இயக்குனர் சங்கரின் காரும் பிரம்மாண்டம்தான். தமிழகத்தில் ரோல்ஸ் ராய்ஸ் கோஸ்ட்  காரை முதலில் வாங்கியவர் என்ற பெருமைக்குரியவர் இவர்.

பிரபல நடிகரும், தயாரிப்பாளருமான தனுஷ் சுமார் 6 கோடி ரூபாய் மதிப்பிலான ரோல்ஸ் ராய்ஸ் கார் பயன்படுத்துகிறார்.

பிரபல நகைச்சுவை  நடிகர் சந்தானமும், ரோல்ஸ் ராய்ஸ் கார் வைத்திருப்பவர்களின் பட்டியலில் உள்ளது குறிப்பிடத்தக்கது.