கே.வி.ஆனந்த் மறைவுக்கு தனுஷ் இரங்கல் - "மிக சீக்கிரமாக போய்விட்டார்"

கே.வி.ஆனந்த் மறைவுக்கு தனுஷ் இரங்கல் - "மிக சீக்கிரமாக போய்விட்டார்" இயக்குனர் கே.வி.ஆனந்த் மறைவுக்கு நடிகர் தனுஷ் இரங்கல் தெரிவித்துள்ளார்.
கே.வி.ஆனந்த் மறைவுக்கு தனுஷ் இரங்கல் - மிக சீக்கிரமாக போய்விட்டார்
x
கே.வி.ஆனந்த் மறைவுக்கு தனுஷ் இரங்கல் - "மிக சீக்கிரமாக போய்விட்டார்" 


இயக்குனர் கே.வி.ஆனந்த் மறைவுக்கு நடிகர் தனுஷ் இரங்கல் தெரிவித்துள்ளார். இது தொடர்பான அவரது டுவிட்டர் பதிவில், கனிவான, நேர்மையான மனிதர் காலமாகி விட்டதாக கூறியுள்ளார். அன்பும் மகிழ்ச்சியும் நிறைந்த மிக இனிமையான மனிதர் கே.வி.ஆனந்த் என்று குறிப்பிட்டுள்ள தனுஷ், மிக மிக சீக்கிரமாக மறைந்துவிட்டதாக பதிவிட்டுள்ளார். கே.வி.ஆனந்த், தனுஷ் நடிப்பில் வெளியான அனேகன் படத்தை இயக்கியவர் என்பது குறிப்பிடத்தக்கது. 

கே.வி.ஆனந்த் மறைவுக்கு, அனேகன் படத்தில் நடித்திருந்த நடிகை அமிரா தஸ்தர் இரங்கல் தெரிவித்துள்ளார். மிக உணர்ச்சிகரமான, ஒழுக்கமான மனிதர் கே.வி.ஆனந்த் என்று கூறியுள்ள அமிரா, உங்களுடன் இணைந்து பணியாற்றியதில் பெருமை அடைவதாக குறிப்பிட்டுள்ளார். தன்னை தமிழ் சினிமாவில் அறிமுகப்படுத்தியதற்காக எப்போதும் நன்றியுடன் இருப்பேன் என்றும் அமிரா தனது டுவிட்டர் பதிவில் குறிப்பிட்டுள்ளார். தங்களின் மறைவு சினிமாவிற்கு பேரிழப்பு என்றும் நடிகை அமிரா தெரிவித்துள்ளார். 

 கே.வி.ஆனந்த் மறைவுக்கு, இசையமைப்பாளர் ஹாரிஸ் ஜெயராஜ் இரங்கல் தெரிவித்துள்ளார். இது தொடர்பான அவரது டுவிட்டர் பதிவில், கே.வி.ஆனந்தின் மறைவு செய்தியை கேட்டு அதிர்ச்சி அடைந்ததாக குறிப்பிட்டுள்ளார். கே.வி.ஆனந்த் இயக்கத்தில் வெளியான, அயன், கோ, காப்பான், மாற்றான், அனேகன் ஆகிய படங்களுக்கு ஹாரிஸ் ஜெயராஜ் இசையமைத்திருந்தது குறிப்பிடத்தக்கது.

கொரோனாவால் பாதிக்கப்பட்டு, மாரடைப்பால் மரணம் அடைந்த, பிரபல இயக்குநர் கே.வி. ஆனந்தின் மறைவுக்கு, இயக்குநர் கார்த்திக் சுப்புராஜ் இரங்கல் தெரிவித்து உள்ளார். இது குறித்து டுவிட்டரில் பதிவிட்ட அவர், கே.வி. ஆனந்தின் குடும்பத்துக்கு ஆழ்ந்த இரங்கல்கள் என்றும், அவரது ஆன்மா சாந்தி அடையட்டும் என்றும் தெரிவித்து உள்ளார். 

இயக்குனர் கே.வி.ஆனந்த் மறைவுக்கு, பிரபல தெலுங்கு நடிகர் அல்லு அர்ஜூன் இரங்கல் தெரிவித்துள்ளார். இது தொடர்பான அவரது டுவிட்டர் பதிவில், கே.வி.ஆனந்தின் மறைவு செய்தி கேட்டு, வருத்தம் அடைந்துள்ளதாக குறிப்பிட்டுள்ளார். மிகச்சிறந்த ஒளிப்பதிவாளர் மற்றும் இயக்குனர் என்று குறிப்பிட்டுள்ள அல்லு அர்ஜூன், கே.வி.ஆனந்தை இழந்து வாடும் அவரது குடும்பத்தினருக்கு ஆழ்ந்த இரங்கலை தெரிவித்து கொள்வதாக பதிவிட்டுள்ளார். 

Next Story

மேலும் செய்திகள்