'சின்னதம்பி' வெளியாகி 30 ஆண்டுகள் நிறைவு - படத்தை நினைவு கூர்ந்த நடிகை குஷ்பு

கொரோனா கட்டுப்பாடுகளுடன் வெளியான படங்களின் முதல் வார இறுதி நாட்கள் வசூலில் நடிகர் விஜய்யின் மாஸ்டர் திரைப்படம் தொடர்ந்து முதலிடத்தில் உள்ளது. இந்த படம் வெளியான முதல் வாரத்தின் இறுதிநாட்களில் 90 கோடி ரூபாய் வசூல் செய்ததாக கூறப்படுகிறது. இதற்கு அடுத்தப்படியாக தெலுங்கில் பவன் கல்யாண் நடிப்பில் வெளியான வக்கீல் சாப் 79 கோடி ரூபாயுடன் இரண்டாம் இடத்தில் உள்ளது.

சசிகுமார் நடித்துள்ள எம்.ஜி.ஆர் மகன் திரைப்படம் வருகிற 23ம் தேதி திரையரங்குகளில் வெளியாகும் என படக்குழு அறிவித்துள்ளது. வருத்தப்படாத வாலிபர் சங்கம் படப்புகழ் பொன்ராம் இயக்கியுள்ள எம்.ஜி.ஆர் மகன் படத்தில், சத்யராஜ், சமுத்திரக்கனி உள்ளிட்டோர் முக்கிய கதாபாத்திரத்தில் நடித்துள்ளனர். படத்தின் டிரெய்லர் வெளியாகி வரவேற்பை பெற்ற நிலையில், தமிழ் புத்தாண்டு தினத்தன்று "ஜில்லா அசந்து நிக்கும்"  என்ற பாடல் இணையத்தில் வெளியிடப்படும் எனவும் படக்குழு கூறியுள்ளது.

பிரபல மலையாள நடிகர் ஃபகத் பாசில் படங்களை திரையரங்குகளில் வெளியிட தடை விதிக்கப்பட்டுள்ளதாக வெளியான தகவலுக்கு மறுப்பு தெரிவிக்கப்பட்டுள்ளது. ஓடிடி தளங்களுக்கு படங்களை கொடுப்பதால் ஃபகத் பாசிலின் படங்களை திரையரங்குகளில் வெளியிட அந்த மாநில திரையரங்கு உரிமையாளர்கள் சங்கம் தடை விதித்தாக தகவல் வெளியானது. ஆனால் அப்படி எந்த தடையும் விதிக்கவில்லை என திரையரங்கு உரிமையாளர்களள் சங்கம் விளக்கம் அளித்துள்ளது. இது தொடர்பாக ஃபகத் பாசிலிடம் பேசி தீர்வு காணப்பட்டதாக தெரிவிக்கப்பட்டுள்ளது. 

நடிகர் யோகி பாபுவின் மண்டேலா படத்தை ஐபிஎல் வீரர் ஸ்ரீவத்ஸ் கோஸ்வாமி பாராட்டியுள்ளார். சன் ரைசர்ஸ் அணியைச் சேர்ந்த ஸ்ரீவத்ஸ் கோஸ்வாமிக்கு மண்டேலா படம் மிகவும் பிடித்துபோனதையடுத்து இது குறித்து சக வீரரான நடராஜனிடம் தெரிவித்துள்ளார். அப்போது யோகி பாபு தனது நண்பர்தான் என்று கூறி யோகி பாபுவுடன் வாட்ஸ் அப் வீடியோ காலில் ஸ்ரீவத்ஸ் கோஸ்வாமியை நடராஜன் பேச வைத்துள்ளார்.  மண்டேலா படம் திரையரங்கில் வெளியாகாமல் நேரடியாக தனியார் தொலைக்காட்சியில் ஒளிபரப்பானது குறிப்பிடத்தக்கது.