விஜய் அளவிற்கு தமது திறமையை எவரும் அங்கீகரித்ததில்லை - மேடையில் கண்கலங்கிய கங்கனா ரனாவத்

இயக்குனர் விஜய் அளவிற்கு தமது திறமையை எவரும் அங்கீகரித்ததில்லை என கூறி பாலிவுட் நடிகை கங்கனா ரனாவத் கண்கலங்கி உள்ளார். மறைந்த முன்னாள் முதலமைச்சர் ஜெயலலிதாவின் வாழ்க்கை வரலாற்றை மையமாக வைத்து இயக்குனர் எல்.விஜய் இயக்கத்தில் தலைவி படம் உருவாகியுள்ளது. இதில் ஜெயலலிதா வேடத்தில் கங்கனா ரனாவத்தும், எம்ஜிஆர் வேடத்தில் அரவிந்த்சாமியும் நடித்துள்ளனர். இந்நிலையில், நடிகை கங்கனாவின் பிறந்த நாளான இன்று, சென்னை எம்ஆர்சி நகரில் வைத்து நடைபெற்ற விழாவில், தலைவி படத்தின் டிரைலர் வெளியிடப்பட்டுள்ளது. முன்னதாக படகுழுவினருடன் கேக் வெட்டி நடிகை கங்கனா தனது பிறந்த நாளை கொண்டாடினார்.