எட்டுதிக்கும் எதிரொலிக்கும் என்ஜாய் எஞ்சாமி
இணையதளத்தில் கொண்டாடப்பட்டு வரும் என்ஜாய்... எஞ்சாமி பாடல், அமுல் கூப் கார்ட்டூனில் இடம்பெற்று தேசிய அளவில் தடம் பதித்துள்ளது
இணையதளத்தில் கொண்டாடப்பட்டு வரும் என்ஜாய்... எஞ்சாமி பாடல், அமுல் கூப் கார்ட்டூனில் இடம்பெற்று தேசிய அளவில் தடம் பதித்துள்ளது. அந்த பாடலில், அப்படி என்னதான் இருக்கிறது?. பார்க்கலாம் இந்த தொகுப்பில்...
என்ஜாய்... எஞ்சாமி... கடந்த சில வாரங்களாக பல தரப்பட்ட மக்களும் இந்த வரிகளைத்தான், தங்களை அறியாமலேயே முணுமுணுத்துக் கொண்டு உள்ளனர்.
எட்டுத்திக்கும் எதிரொலிக்கும் என்ஜாய் எஞ்சாமி பாடலை, ரவுடி பேபி புகழ் DHEE மற்றும் தெருக்குரல் அறிவு ஆகியோர் தங்களது மயக்க வைக்கும் குரலில் பாடி, ரசிகர்களை கட்டிப் போட்டுள்ளனர்.
பிரபல இசையமைப்பாளர் சந்தோஷ் நாராயணன் இசையில் உருவாகி இருக்கும் இந்த பாடலில், நாட்டுப்புற இசை மற்றும் ராப் இசை ஆகிய இரண்டும் இணைக்கப்பட்டு ரசிகர்களுக்கு விருந்து படைக்கப்பட்டு உள்ளது.
குக்கூ குக்கூ... தாத்தா தாத்தா களவெட்டி என்ற வரிகளுடன் தொடங்கும் இந்த பாடல் பொதுவுடைமை தத்துவத்தை வெளிப்படுத்துகிறது.
Next Story