இசை வெளியீட்டு விழாவில் விக்ரம் வேதா பாடல் - மாஸ்டர் பட தயாரிப்பு நிறுவனம் மீது வழக்கு

 நடிகர் விஜய்,விஜய் சேதுபதி நடிப்பில் லோகேஷ் கனகராஜ் இயக்கத்தில் பொங்கல் வெளியீடாக வந்து, ரசிகர்களிடம் வரவேற்பை பெற்றுள்ள திரைபடம் மாஸ்டர்... இத்திரைபடத்தின், இசை வெளியீட்டு விழா கடந்த மார்ச் மாதம் நட்சத்திர விடுதி ஒன்றில் நடந்தது.  இந்த நிகழ்ச்சியில் தெறி, விக்ரம் வேதா உள்ளிட்ட படங்களின் பாடல்களை பயன்படுத்தியதாக கூறப்படுகிறது.  இந்த பாடல்களின் உரிமையை "திங்க் மியூசிக்" நிறுவனம் பெற்றுள்ளதாகவும், அனுமதி பெறாமல் பாடல்களை பயன்படுத்தியதாக, அறிவுசார் சொத்துரிமை குற்றத் தடுப்பு பிரிவில் சம்மந்தபட்ட நிறுவனம் புகாரளித்தது.  இதன் அடிப்படையில் மாஸ்டர் பட தயாரிப்பு நிறுவனத்தின் மீது வழக்கு பதிவு செய்யப்பட்டுள்ளது.