உற்சாக வரவேற்புடன் வெளியானது 'மாஸ்டர்' - விஜய் ரசிகர்கள் உற்சாக கொண்டாட்டம்

லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன் உள்ளிட்ட பலர் நடித்துள்ள திரைப்படம் மாஸ்டர். கொரோனாவால் ரிலீஸ் ஆகாமல் இந்த படம் பொங்கல் பண்டியையொட்டி இன்று வெளியானது.  காலை 4 மணிக்கு சிறப்பு காட்சிகள் வெளியானதையடுத்து திரையரங்குகளில் ரசிகர்கள் பட்டாசு வெடித்து நடனமாடி உற்சாகமாக கொண்டாடினர். தமிழகம் முழுவதும் 800 க்கும் அதிகமான திரையரங்குகளில் மாஸ்டர் வெளியாகியுள்ளது. சென்னை கோயம்பேடு ரோகிணி திரையரங்குகளுக்கு வெளியே ரசிகர்கள் கொண்டாடுவதற்கு ஏற்ப பெரிய எல்ஈடி திரையில் விஜய்யின் பாடல்கள் ஒளிபரப்பானது. அங்கு காலை 4 மணி காட்சிக்கு படத்தின் இயக்குனர் லோகேஷ் கனகராஜ், இசையமைப்பாளர் அனிருத், படத்தின் நாயகி மாளவிகா மோகணன், நடிகர் சாந்தனு ஆகியோர் ரசிகர்களுடன் படத்தை பார்த்தனர்.