அருண் விஜய்யின் அடுத்த படப்பிடிப்பு நிறைவு

தெலுங்கில் நடிகர் நாக சைதன்யா மற்றும் சாய் பல்லவி நடிப்பில் உருவாகியுள்ள திரைப்படம் லவ் ஸ்டோரி. காதல் படமாக உருவாகியுள்ள இதனை, இயக்குனர் சேகர் கம்முலா இயக்கியுள்ளார். இவர் சாய் பல்லவி நடிப்பில் வெளியான ஃபிடா திரைப்படத்தை இயக்கியவர். இந்நிலையில், லவ் ஸ்டோரி படத்தின் டீசரை படக்குழு வெளியிட்டுள்ளது. இதில் இருவரும் நடன கலைஞர்களாக நடித்துள்ளதால், படத்தின் மீதான எதிர்பார்ப்பு ரசிகர்களிடையே அதிகரித்துள்ளது.

நடிகர் கமல் நடிப்பில் கடந்த 2004ஆம் ஆண்டு வெளியான திரைப்படம் விருமாண்டி. இந்த படத்தின் கதை தொடர்பாக விமர்சனங்கள் கிளம்பிய போதும் ரசிகர்கள் மத்தியில் நல்ல வரவேற்பை பெற்றது. இந்நிலையில், 17 ஆண்டுகளுக்கு பிறகு விருமாண்டி திரைப்படம் மீண்டும் வெளியாக உள்ளது. வரும் 14ஆம் தேதி ஓடிடியில் விருமாண்டி திரைப்படம் வெளியாக உள்ளதாக அறிவிக்கப்பட்டுள்ளது. இதற்காக படத்தின் டிரைலரை வெளியிட்டிருந்த படக்குழு தற்போது படத்தின் மேக்கிங் காட்சிகளையும் வெளியிட்டுள்ளது.

மாஸ்டர் படம் வெற்றியடைய வேண்டி, திருவண்ணாமலை அருணாச்சலேஸ்வரர் கோயிலில் மாஸ்டர் படக்குழுவினர் சாமி தரிசனம் செய்துள்ளனர். இயக்குனர் லோகேஷ் கனகராஜ், இசையமைப்பாளர் அனிருத், நடிகர் அர்ஜூன் தாஸ் உள்ளிட்ட படக்குழுவினர் சாமி தரிசனம் செய்துள்ளனர். இந்த புகைப்படங்களை லோகேஷ் கனகராஜ் மற்றும் அனிருத் ஆகியோர் தங்களது சமூக வலைதள பக்கங்களில் பகிர்ந்துள்ளனர்...

குமரவேலன் இயக்கத்தில் நடிகர் அருண் விஜய் நடித்துள்ள சினம் படத்தின் டீசரை படக்குழு வெளியிட்டு உள்ளது. இதில் குப்பத்து ராஜா, சிக்ஸர் உள்ளிட்ட படங்களில் நடித்த பாலக் லல்வானி கதாநாயகியாக நடித்துள்ளார்.