2020ஆம் ஆண்டின் மறக்க முடியாத நிகழ்வு - ஸ்பெயினில் எடுத்த வீடியோவை பகிர்ந்த கீர்த்தி சுரேஷ்
2020ஆம் ஆண்டின் மறக்க முடியாத நிகழ்வுகளை நடிகைகள் பலரும் தங்களது சமூக வலைதள பக்கத்தில் பகிர்ந்து வருகின்றனர்.
2020ஆம் ஆண்டின் மறக்க முடியாத நிகழ்வுகளை நடிகைகள் பலரும் தங்களது சமூக வலைதள பக்கத்தில் பகிர்ந்து வருகின்றனர். அந்த வகையில், நடிகை கீர்த்தி சுரேஷ் ஸ்பெயின் சென்ற போது அங்கு படகு ஓட்டிய வீடியோவை தனது இன்ஸ்டாகிராம் பக்கத்தில் பதிவிட்டுள்ளார்.
மோகன்லாலின் "த்ரிஷ்யம்-2" பட டீசர் வெளியீடு - ஓடிடியில் வெளியாகும் "த்ரிஷ்யம்-2"
2013-ம் ஆண்டு ஜீத்து ஜோசப் இயக்கத்தில், மோகன்லால் நடிப்பில் வெளியான படம் 'த்ரிஷ்யம்'. இப்படம் மலையாளத்தில் அடைந்த பெரும் வெற்றியைத் தொடர்ந்து, தமிழ், தெலுங்கு, கன்னடம், இந்தி, உள்ளிட்ட மொழிகளில் ரீமேக் செய்யப்பட்டது. தமிழில் கமல் நடிப்பில் பாபநாசம் என்ற பெயரில் இந்த படம் வெளியானது. இதையடுத்து, த்ரிஷ்யம் படத்தின் இரண்டாம் பாகத்திற்கான பணியை தொடங்கிய படக்குழு, தற்போது படத்தின் டீசரை வெளியிட்டுள்ளது. இந்த படம் ஓடிடியில் வெளியாகும் எனவும் அறிவிக்கப்பட்டுள்ளது.
கன்னடத்திலும் வெளியாகும் 'மாஸ்டர்' - விஜய் ரசிகர்கள் உற்சாகம்
நடிகர் விஜய் நடித்துள்ள மாஸ்டர் திரைப்படம் கன்னடத்திலும் வெளியாக உள்ளதாக படக்குழு அறிவித்துள்ளது. ஏற்கனவே, தமிழ், தெலுங்கு, இந்தி மொழிகளில் மாஸ்டர் படம் வெளியாகும் என அறிவிக்கப்பட்டிருந்தது. இதையடுத்து, தற்போது கன்னட மொழியில் மாஸ்டர் படத்தின் போஸ்டர் வெளியாகி உள்ளது. இந்த அறிவிப்பால் விஜய் ரசிகர்கள் உற்சாகம் அடைந்துள்ளனர்.
ஜெயம் ரவியின் பூமி படத்திற்கு 'யு' சான்றிதழ் - ஜனவரி 14ல் ஓடிடியில் வெளியாகும் 'பூமி'
லக்ஷ்மன் இயக்கத்தில், ஜெயம் ரவி நடித்துள்ள திரைப்படம் பூமி. இந்த படத்தில் அவருக்கு ஜோடியாக நிதி அகர்வால் நடித்துள்ளார். ஜெயம் ரவியின் 25ஆவது படமான பூமி திரைப்படம் வரும் 14ஆம் தேதி ஓடிடியில் வெளியாகும் என்று அறிவிக்கப்பட்டுள்ளது. இந்நிலையில் பூமி படத்திற்கு அனைத்து தரப்பினரும் பார்க்கும் வகையில் "யு" சான்றிதழ் கிடைத்துள்ளதாக படக்குழு தெரிவித்துள்ளது.
Next Story