இயக்குனர் பாரதிராஜா தலைமையில் புதிய தயாரிப்பாளர் சங்கம் - புதிய சங்கத்தின் நிர்வாகிகள் தேர்வு செய்யும் பணி தீவிரம்

நடிகர் விஷால் தலைமையில் செயல்பட்டு வந்த தமிழ் திரைப்பட தயாரிப்பாளர்கள் சங்கத்தின் தேர்தல் தொடர்பான வழக்கு  நீதிமன்றத்தில் நிலுவையில் உள்ளது. அதையடுத்து தயாரிப்பாளர் சங்கத்தின் செயல்பாடுகள் முடங்கி உள்ளன. இந்த நிலையில், இயக்குனர் பாரதிராஜா தலைமையில் தமிழ்த் திரைப்பட செயல்திறன் தயாரிப்பாளர்கள் என்கிற பெயரில் புதிய சங்கம் தொடங்கப்பட உள்ளதாக தகவல்கள் வெளியாகியுள்ளன. புதிய சங்கத்தின் கவுரவ தலைவர்களாக எஸ்.ஏ.சந்திரசேகர், கே.ஜி.முரளிதரன் ஆகியோரும், செயலாளராக டி.சிவா, பொருளாளராக டி.ஜி.தியாகராஜன் ஆகியோர் நியமிக்கப்பட உள்ளதாக கூறப்படுகிறது. ஏற்கனவே தயாரிப்பாளர்களுக்காக மூன்று சங்கங்கள் செயல்பட்டு வரும் நிலையில் பாரதிராஜா தலைமையில் மேலும் ஒரு சங்கம் உருவாக உள்ளது குறிப்பிடத்தக்கது. இந்த சங்கம் மூலம் தமிழ் திரைப்படத் தொழிலாளர் சம்மேளனத்தை ஒழுங்குபடுத்த திட்டமிட்டுள்ளதாகவும் கூறப்படுகிறது.