சூர்யாவின் குரலுக்கு ஆதரவு குரல் எழுப்பிய ரஜினி ...
பதிவு : ஜூலை 22, 2019, 02:11 PM
புதிய கல்விக் கொள்கையை எதிர்ப்பதாக நடிகர் சூர்யா தெரிவித்த கருத்துக்கு அரசியல் தலைவர்கள் சிலர் எதிர்ப்பு தெரிவித்ததால் சர்ச்சை சூடுபிடித்தது.
புதிய கல்விக் கொள்கையை எதிர்ப்பதாக நடிகர் சூர்யா தெரிவித்த கருத்துக்கு அரசியல் தலைவர்கள் சிலர் எதிர்ப்பு தெரிவித்ததால் சர்ச்சை சூடுபிடித்தது. சூர்யாவின் கருத்துக்கு ஏற்கனவே கமல்ஹாசன், சீமான் ஆதரவு கரம் நீட்டிய  நிலையில், தற்போது ரஜினிகாந்த் ஆதரவு தெரிவித்துள்ளார். அண்மையில் அகரம் பவுண்டேஷன் நிகழ்ச்சியில் பேசிய நடிகர் சூர்யா, புதிய கல்விக் கொள்கை அமல்படுத்தப்பட்டால் கிராமப்புற மாணவர்கள் கல்வியில் புறக்கணிக்கப்படுவார்கள் என தனது வேதனையை வெளிப்படுத்தினார். 

புதிய கல்விக் கொள்கை பற்றி அரைகுறையாக அறிந்து, சூர்யா பேசுவதாக அமைச்சர் கடம்பூர் ராஜு கடுமையாக விமர்சனம் செய்தார். பா.ஜ.க. தமிழக தலைவர் தமிழிசை, அக்கட்சியின் தேசிய செயலாளர் ஹெச்.ராஜா உள்ளிட்ட பா.ஜ.க. தலைவர்களும் சூர்யாவின் கருத்திற்கு எதிர்ப்பு தெரிவிக்க இந்த விவகாரம் சூடுபிடித்தது. இதையடுத்து, கமல்ஹாசன், சீமான், அன்புமணி ராமதாஸ், தினகரன் உள்ளிட்ட அரசியல் தலைவர்கள் சூர்யாவின் கருத்துக்கு ஆதரவாக குரல் கொடுத்தனர். ஏழை மாணவ மாணவியரின் கல்வி மேம்பாட்டிற்காக தம்பி சூர்யா மற்றும் அவரது குடும்பத்தார் பல வருடங்களாக உதவி செய்து வரும் நிலையில், கல்வி குறித்து பேச சூர்யாவுக்கு முழு உரிமை உள்ளது என அறிக்கை மூலம் ஆதரித்தார், கமல்ஹாசன். 

அதன் தொடர்ச்சியாக, வேலூர் மாவட்டம் திருப்பத்தூரில் காமராஜர் நூற்றாண்டு அறக்கட்டளை சார்பில் நடைபெற்ற விழாவில் பேசிய கமல்ஹாசன், அனைவருக்கும் கல்வி என்ற காமராஜர் கனவை கலைத்துவிட கூடாது, ஒரு சிலருக்கு மட்டுமே கல்வி என்ற நிலையை உருவாக்கிவிட கூடாது என வலியுறுத்தினார். கிராமத்து மாணவனை ஒதுக்கும் முயற்சியே புதிய கல்விக் கொள்கை என கூறிய, தமிழ்நாடு இயக்குனர் சங்க தலைவர் ஆர்.கே.செல்வமணி, சூர்யாவுக்கு ஆதரவு தெரிவித்துள்ளார். ஆதரவு ஒருபுறம், எதிர்ப்பு மறுபுறம் இருக்க, புதிய கல்வி கொள்கை குறித்து நடிகர் சூர்யா தெரிவித்த கருத்து தமக்கு தெரியாது என கருத்து சொல்லாமல் சில திரைத்துறை பிரபலங்கள் நழுவினர்.

சமமான கல்வி இல்லாதபோது ஒரே தேர்வு முறை ஏற்புடையது இல்லை என கூறிய சீமான்,  சூர்யாவின் கருத்துக்கு ஆதரவு தெரிவித்திருக்கிறார். சமகாலத்தில் என்ன நடக்கிறது என தெரியாமல் திரையில் கருத்து சொல்வது ஏமாற்றுவேலை என்று இயக்குநர் சங்கரை கடுமையாக விமர்சித்துள்ளார். இந்த சூழலில், சென்னையில் நடைபெற்ற காப்பான் பட பாடல் வெளியீட்டு விழாவிலும் புதிய கல்விக் கொள்கை குறித்த சூர்யாவின் குரலுக்கு ஆதரவு குரல் ஒலித்தது. 

திரைத்துறையில் வேலை செய்வதற்கு சம்பளம் வாங்குகிறோம் என்பதோடு இருக்காமல் தனக்கு சமூக அக்கறை உண்டு என சூர்யா செயல்பட்டதாக கவிஞர் வைரமுத்து வாழ்த்து தெரிவித்தார். அதற்கு அதே விழாவில் பதிலளித்து பேசிய ரஜினிகாந்த், சூர்யாவின் இன்னொரு முகம் சில நாட்களுக்கு முன் வெளிப்பட்டதாக பாராட்டியதோடு, அவரின் கருத்தை ஆமோதிப்பதாக குறிப்பிட்டார். தாம் பேசினால் மோடிக்கு கேட்டிருக்கும் என சொன்னார்கள், சூர்யா பேசியது மோடிக்கு கேட்டுள்ளது என்றும் மாணவர்கள் படும் கஷ்டங்களை கண்எதிரே பார்த்து, அவர்களுக்கு பல உதவிகளை செய்து வருபவர் சூர்யா என்றும் பாராட்டினார். நதிநீர் இணைப்பு உட்பட மத்திய அரசின் பெரும்பாலான திட்டங்களுக்கு ஆதரவு தெரிவித்து வரும் ரஜினிகாந்த், புதிய கல்விக் கொள்கை விவகாரத்தில் என்ன சொல்வார் என எதிர்பார்க்கப்பட்டது. இந்த சூழலில் சூர்யாவின் கருத்தை ஆதரித்து ரஜினிகாந்த் பேசியிருப்பது, அடுத்த கட்ட பரபரப்பை ஏற்படுத்தியுள்ளது. 

தொடர்புடைய செய்திகள்

தர்பார் படத்தில் என்கவுண்ட்டர் ஸ்பெஷலிஸ்ட் ரஜினிகாந்த்"

ஏ. ஆர். முருகதாஸ் எழுதி, இயக்கி வரும் தர்பார் படத்தின் முதற்கட்ட படப்பிடிப்பு, மும்பையில் நிறைவடைந்து விட்டது.

1284 views

ரசிகர்களை கவர்ந்த 2.0 வில்லன் அக்க்ஷய் குமாரின் உடற்பயிற்சி வீடியோ

பிரபல பாலிவுட் நடிகரும் 2.0 திரைப்படத்தின் வில்லனுமான அக் ஷய் குமார், தனது உடற்பயிற்சி வீடியோ ஒன்றை வெளியிட்டு ரசிகர்களை ஆச்சரியப்படுத்தியுள்ளார்.

790 views

கருணாநிதியின் உடல் நலம் விசாரித்தார்- கமல்ஹாசன்

மக்கள் நீதி மய்யம் கட்சியின் நிறுவனர் கமல்ஹாசன், மாலையில் சென்னை - ஆழ்வார்பேட்டை காவேரி மருத்துவமனைக்கு வந்து, திமுக தலைவர் கருணாநிதியின் உடல் நலம் குறித்து விசாரித்தறிந்தார்.

688 views

சந்திரபாபு நாயுடு தலைமையில் 3-வது அணி அமைய வேண்டும் - சரத்குமார் விருப்பம்

ஆந்திர முதலமைச்சர் சந்திரபாபு நாயுடு தலைமையில் 3-வது அணி அமைய வேண்டும் என சமத்துவ மக்கள் கட்சி தலைவர் சரத்குமார் விருப்பம்.

982 views

"தமிழகத்தை போராட்ட களமாக வைத்திருக்க சிலர் விரும்புகின்றனர்" - தமிழிசை சௌந்தரராஜன்

காவிரி நதி நீர் விவகாரத்தில் தமிழகத்தின் உரிமை மீட்டெடுக்கப்பட வேண்டும் என தமிழக பாஜக தலைவர் தமிழிசை தெரிவித்துள்ளார்.

234 views

பிற செய்திகள்

முதலமைச்சர் வெளிநாட்டு பயணத்தால் தமிழ்நாட்டிற்கு என்ன பயன்? - ஸ்டாலின் கேள்வி

ஜம்மு-காஷ்மீரில் ஜனநாயக முறைப்படி மத்திய அரசு செயல்படவில்லை என்று என்று திமுக தலைவர் ஸ்டாலின் குற்றம் சாட்டியுள்ளார்.

16 views

ப.சிதம்பரம் மேல்முறையீட்டு மனு : ஆக.26-ம் தேதிக்கு ஒத்திவைப்பு

ஐ.என்.எக்ஸ். மீடியா வழக்கில் ப.சிதம்பரம் முன்ஜாமின் ​மேல்முறையீட்டு மனு மீதான விசாரணையை வரும் 26-ஆம் தேதிக்கு உச்ச நீதிமன்றம் ஒத்திவைத்தது.

35 views

"எந்தக் கேள்விக்கும் பதில் அளிக்க தயாராக உள்ளார்" - கார்த்தி சிதம்பரம்

சி.பி.ஐ. காவலில் இருக்கும் முன்னாள் நிதியமைச்சர் சிதம்பரத்தை அவரது மனைவி நளினி மற்றும் மகன் கார்த்தி ஆகியோர் இன்று சந்தித்தனர்.பின்னர், செய்தியாளர்களைச் கார்த்தி சிதம்பரம் சந்தித்தார்

53 views

பொருளாதார நிலை - நிர்மலா சீதாராமன் விளக்கம்

உலக நாடுகளுடன் ஒப்பிடும்போது இந்தியாவின் பொருளாதாரம் சீராக உள்ளதாக மத்திய நிதியமைச்சர் நிர்மலா சீதாராமன் திருப்தி தெரிவித்துள்ளார்.

236 views

ஐஎன்எக்ஸ் மீடியா வழக்கு : சிக்கலை உருவாக்கிய வாக்குமூலம்....

முன்னாள் அமைச்சர் ப.சிதம்பரத்துக்கு எதிரான ஐஎன்எக்ஸ் மீடியா வழக்கில் இந்திராணி முகர்ஜி மற்றும் அவரது கணவர் பீட்டர் முகர்ஜி ஆகியோர் சிபிஐயிடம் அளித்துள்ள வாக்குமூலங்கள்.

1793 views

"சென்னையின் குடிநீர் தேவை விரைவில் பூர்த்தியாகும்" - எஸ்.பி.வேலுமணி

சென்னையில் மட்டும் 8 லட்சத்து 76 ஆயிரம் மழைநீர் சேகரிப்பு கட்டமைப்புகள் உள்ளதாக உள்ளாட்சி துறை அமைச்சர் எஸ்.பி.வேலுமணி தெரிவித்துள்ளார்.

59 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.