ரஜினியின் ஆஸ்தான மேக்அப் மேன் முத்தப்பா காலமானார் : நேரில் அஞ்சலி செலுத்திய ரஜினி

நடிகர் ரஜினியின் ஆஸ்தான மேக்-அப் மேன் முத்தப்பா தனது 89வது வயதில் காலமானார். தமிழின் மூத்த தயாரிப்பாளரான மறைந்த ஏவி.மெய்யப்ப செட்டியாரால் மேக்-அப் மேனாக வாழ்க்கையை துவங்கியவர் முத்தப்பா. 'பராசக்தி' படத்தில் சிவாஜி கணேசனுக்கு முதன் முதலாக ஒப்பனை செய்த இவர், கமலஹாசனின் முதல் படமான களத்தூர் கண்ணம்மா' உள்பட பல படங்களில் ஒப்பனையாளராக பணியாற்றினார். ஒரு கட்டத்தில் ரஜினியின் ஆஸ்தான மேக்-அப் மேனாக மாறி அவரிடம் மட்டுமே பணியாற்றத் துவங்கினார். அத்துடன் ரஜினியுடன் சில படங்களிலும் நகைச்சுவை பாத்திரங்களில் நடித்துள்ளார். இந்நிலையில் இன்று காலை காலமான அவரது உடலுக்கு, நடிகர் ரஜினி உள்ளிட்ட திரையுலக பிரபலங்கள் அஞ்சலி செலுத்தினர்.