திருமணம் செய்ய மறுத்த நிலானி, தற்கொலை செய்து கொண்ட காதலன் - பின்னணி என்ன ?
பதிவு : செப்டம்பர் 18, 2018, 05:46 PM
மாற்றம் : செப்டம்பர் 18, 2018, 05:58 PM
திருமணம் செய்யாமலே 3 ஆண்டுகளாக ஒன்றாக வாழ்ந்த பிறகும் நடிகை நிலானி தன்னை திருமணம் செய்ய மறுத்ததால் விரக்தியடைந்த உதவி இயக்குநர் தற்கொலை செய்து கொண்ட சம்பவம் சோகத்தை ஏற்படுத்தி இருக்கிறது.
தமிழில் வெளியாகி வரும் பல சின்னத்திரை நாடகங்களில் நடித்து வருபவர் நடிகை நிலானி. சென்னை வளசரவாக்கத்தில் வசித்து வரும் இவருக்கு திருமணமாகி 2 குழந்தைகள் உள்ளனர். தன் கணவருடன் கருத்து வேறுபாடு காரணமாக பிரிந்து வாழ்ந்து வந்த அவருக்கு உதவி இயக்குநராக பணிபுரிந்து வந்த காந்தி லலித்குமாருடன் பழக்கம் ஏற்பட்டுள்ளது. உதவி இயக்குநராக பணிபுரிந்து வந்த காந்தி லலித் குமார் நடிகை நிலானியின் மீது காதல் வயப்பட்டுள்ளார்.. அவரின் காதலை ஏற்றுக் கொண்ட நடிகை நிலானியும் காந்தி லலித்குமாரை விரும்பியதாக கூறப்படுகிறது. 

இதையடுத்து 2 பேரும் வளசரவாக்கம் பகுதியில் உள்ள வீட்டில் திருமணம் செய்து கொள்ளாமலே 3 ஆண்டுகள் ஒன்றாக வாழ்ந்து வந்துள்ளனர்.நிலானியின் பிள்ளைகளை பள்ளியில் சென்று விடுவது உள்ளிட்ட அனைத்து பொறுப்புகளையும் காந்தி விருப்பத்துடனே செய்து வந்துள்ளார். இருவரும் ஒருவரை ஒருவர் நேசித்து வந்த நிலையில் பேருந்தில் பயணம் செய்த போது நிலானிக்கு அவரது காதலனான காந்தி மெட்டி அணிவித்து அவரை தன் மனைவியாகவே மனதளவில் ஏற்றுக் கொண்டுள்ளார்.

இப்படி ஒரு மனைவி தனக்கு கிடைத்தது தன் பாக்கியம் என்றும் வீடியோவில் உருக்கமாக பேசியுள்ளார் காந்தி. இருவரும் தங்கள் காதல் வாழ்க்கையின் சாட்சியாக பல புகைப்படங்களை எடுத்தும் மகிழ்ந்தனர். இந்த நிலையில் தான் தூத்துக்குடி துப்பாக்கிச்சூடு சம்பவம் தொடர்பாக நிலானி தெரிவித்த கருத்து சர்ச்சையாகி கைது செய்யப்பட்டார். அதன்பிறகு வெளியே வந்த நிலானி வழக்கம் போல சீரியல்களில் நடித்து வந்துள்ளார். இந்த நிலையில் நிலானிக்கு மற்றொரு ஆண் நண்பருடன் பழக்கம் ஏற்பட்டதாக கூறப்படுகிறது. 

இதனால் மனமுடைந்து போன காந்தி லலித்குமார் நிலானியை திருமணத்திற்கு வற்புறுத்தி வந்துள்ளார். ஆனால் திருமணம் செய்து கொள்ள விரும்பாத நிலானி காந்தியை தவிர்த்து வந்ததால் மனமுடைந்த நிலையில் இருந்துள்ளார். தன் காதலி தன்னை விட்டு விலகிச் செல்வதை பொறுத்துக் கொள்ள முடியாத காந்தி, அவரை தொடர்ந்து வற்புறுத்தி வந்துள்ளார். நிலானியின் பிரிவை தாங்கிக் கொள்ள முடியாத காந்தி மயிலாப்பூர் பகுதியில் ஷீட்டிங்கில் இருந்த நிலானியிடம் சென்று வாக்குவாதத்தில் ஈடுபட்டுள்ளார். 

இதனால் கோபமடைந்த நடிகை நிலானி மயிலாப்பூர் காவல் நிலையத்தில் காந்தி மீது புகார் அளித்துள்ளார். காந்தியும் தானும் நட்பாக பழகியதாகவும், தன்னை திருமணம் செய்து கொள்ள காந்தி வற்புறுத்தி வருவதாகவும் அவர் புகார் அளித்ததால் மனமுடைந்து போன காந்தி பெட்ரோல் ஊற்றி தீவைத்துக் கொண்டார். காந்தியின் செல்போனை கைப்பற்றி போலீசார் நடத்திய விசாரணையில் நிலானியுடன் அவர் நெருக்கமாக இருக்கும் பல்வேறு புகைப்படங்கள் இருந்துள்ளது. 

இதில் பலத்த காயமடைந்த நிலையில் மருத்துவமனையில் அனுமதிக்கப்பட்ட காந்தி, சிகிச்சை பலனின்றி உயிரிழந்தார். தான் ஆசையாக நேசித்த பெண்ணை திருமணம் செய்ய முடியாத விரக்தியில் தன் கனவுகளை தொலைத்த இளைஞனின் வாழ்க்கை சோகத்தின் உச்சமும் கூட...

தொடர்புடைய செய்திகள்

சந்தியாவின் உடல், தலை எங்கே? - 2 வது நாளாக உடல் தலையை தேடும் பணி தீவிரம்

பெருங்குடி குப்பை கிடங்கில் துண்டு துண்டாக வெட்டி கொல்லப்பட்ட துணை நடிகை சந்தியாவின் உடல் மற்றும் தலையை தேடும் பணி 2 வது நாளாக தொடர்கிறது.

891 views

வாகனங்களுக்கு தீ வைத்த மர்மநபர்கள்..!

நீலகிரி மாவட்டம் குன்னூரில், வீட்டின் அருகே நிறுத்தி வைக்கப்பட்டு இருந்த 4, இரு சக்கர வாகனங்களுக்கு நேற்று இரவு மர்ம நபர்கள் தீ வைத்து கொளுத்தினர்.

3378 views

பிற செய்திகள்

எச்.ஐ.வி. ரத்தம் செலுத்தப்பட்ட பெண் பெற்றெடுத்த குழந்தைக்கு "மகாலட்சுமி" என பெயர் சூடல்...

எச்.ஐ.வி. தொற்று ரத்தம் செலுத்தப்பட்ட பெண் பெற்றெடுத்த குழந்தையின் எடை ஒரு கிலோ கூடியுள்ளதாக மருத்துவர்கள் தெரிவித்துள்ளனர்.

49 views

திமுகவுடன் தொகுதிப் பங்கீடு பேச்சுவார்த்தை - இந்திய கம்யூனிஸ்ட் தலைவர்களுடன் பேச்சு

திமுக கூட்டணியில் இடம் பெற்றுள்ள இந்திய கம்யூனிஸ்ட் கட்சியுடன் தொகுதிப் பங்கீடு பேச்சுவார்த்தை சென்னை அண்ணா அறிவாலயத்தில் நடைபெற்றது.

36 views

"அந்தந்த மாநில மொழிகளுக்கு பிரசார மையங்கள் வேண்டும்" - குடியரசு தலைவர் ராம்நாத் கோவிந்த் விருப்பம்

இந்தி மொழி​க்கு பிரசார மையங்கள் உள்ளது போல், அந்தந்த மாநில மொழிகளுக்கும் பிரசார மையங்கள் உருவாக்கப்பட வேண்டும் என, குடியரசு தலைவர் ராம்நாத் கோவிந்த் விருப்பம் தெரிவித்துள்ளார்.

31 views

"ராணுவ வீரர்களை சந்திரபாபு நாயுடு அவமானப்படுத்துகிறார்" : ஆந்திர முதல்வர் மீது ரோஜா குற்றச்சாட்டு

திருப்பதி ஏழுமலையான் கோவிலில் நகரி தொகுதி எம்எல்ஏவும் நடிகையுமான ரோஜா சாமி தரிசனம் செய்தார்.

32 views

டி-20 போட்டியில் புஜாரா முதல் சதம்

டெஸ்ட் வீரராக வலம் வரும் புஜாரா இருபது ஓவர் போட்டியில் தனது முதல் சதத்தை பூர்த்தி செய்தார்.

42 views

பத்மநாபபுரம் அரண்மனை மீண்டும் திறப்பு

கன்னியாகுமரி மாவட்டத்தில் உள்ள திருவிதாங்கூர் பத்மநாபபுரம் அரண்மனை புத்தம் புதிய பொழிவுடன் திறக்கப்பட்டுள்ளது.

77 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.