எப்படி இருக்கிறது காலா?
பதிவு : ஜூன் 07, 2018, 12:07 PM
மாற்றம் : ஜூன் 07, 2018, 04:17 PM
ரஜினி-ரஞ்சித் கூட்டணியில் உருவான காலா பற்றிய முதல் பார்வை.
எப்படி இருக்கிறது காலா? - முதல் பார்வை

மும்பை தாராவியின் முடி சூடா மன்னனாக திகழ்கிறார் கதாநாயகன் காலா என்கிற கரிகாலன். அவரை மீறி அரசியல்வாதிகள், ஆளும் கட்சியினர் எதுவும் செய்ய முடியாத நிலை. எல்லா இடங்களில் ஆளும் கட்சி ஜெயிக்க தாராவியில் மட்டும் காலா ராஜ்யம். அந்த தாராவியை நவீன வசதிகளுடன் கூடிய பகுதியாக மாற்ற நினைக்கும் வில்லன் அரசியல்வாதி ஹரி தாதா.  அதை எதிர்த்து போராட மக்களை ஒன்று திரட்டுகிறார் காலா. இவர்களில் யார் ஜெயித்தார்கள் என்பது தான் கதை. 

தாராவியை நவீன மயமா மாற்றுவது நல்ல விஷயம் தானே? அதை செய்பவர் ஏன் வில்லனாகிறார்? என்று தோன்றலாம். அதை தாராவி மக்களுக்கு மட்டும் இல்லாமல், படம் பார்ப்பவர்களுக்கும் புரிய வைக்கிறார் இயக்குனர் பா. இரஞ்சித். வசனங்களில் அவ்வளவு கூர்மை. தாராவியை  நவீனமயமாக்க  என்ன என்ன செய்ய போகிறோம் என்று விளக்கும் காட்சியில் அனைவருக்கும் 220 சதுரடியில் வீடு, இலவச பள்ளி-ன்னு அடுக்கி கொண்டே போகும் போது, GOLF மைதானம் வரும் என்கிறார்கள். "Golf மைதானத்திற்கு சராசரியாக  50 ஏக்கர் நிலம் தேவை. அவ்ளோ இடத்த மைதானத்துக்கு  ஒதுக்கிவிட்டு வாழுறதுக்கு 220 சதுரடி வீடா?" என்று காலாவின் மகன் கேள்வி கேட்கிறார். அட சரிதானேன்னு மக்களுக்கு தோணும். இது போல் படம் நெடுக நச் வசனங்கள். மக்களுக்கு புரிய வைக்கும் வசனங்கள் மட்டுமில்லை, அரசியல் வசனங்களும் இருக்கிறது.

ரஜினியை காட்டி இருக்கும் விதம் அசத்தல். அறிமுக காட்சியில் காற்று வேகமாய் அடிப்பது, முகத்தின் பாகங்களை ஒவ்வொன்றாக ஸ்லோ மோஷனில் காட்டுவது. இப்படி எதுவுமே இல்லாமலேயே கெத்தாக  காட்டியிருக்கிறார் இரஞ்சித். 

படம் முழுக்க காதல், ரகளை, கோபம், ஆக்ரோஷம் என எல்லாவற்றிலும் வெளுத்து வாங்கி இருக்கிறார் ரஜினி. மனைவியிடம் வெட்கத்துடன் ஐ லவ் யூ சொல்வது அழகு. தளபதி படம் போல் காவல் நிலையத்தில் வரும் ஒரு காட்சி, இடைவேளை காட்சி, மழையில் சண்டை, என ரசிகர்கள் ஆர்ப்பரிக்கும் மாஸ் காட்சிகளுக்கு பஞ்சமில்லை. 

வில்லன் நானா படேகர் புது ரகம். சிவாஜியின் ஆதி, பாட்ஷா ஆண்டனி கலந்து செய்த கலவை என்று சொல்லலாம். காலா யார் என்று கேட்கும் பேத்தியிடம் "ராவணன். பத்து விதமா யோசிக்க கூடிய ராவணன்" என சொல்லும் காட்சியிலும், காலாவுடன் நேருக்கு நேர் விவாதிக்கும் காட்சியிலும் வில்லன் எந்த ரகம் என புரிந்துவிடும்.

காலா மனைவியாக வரும் ஈஸ்வரி ராவ், ஹுமா குரேஷி, சமுத்திரக்கனி, வத்திக்குச்சி திலீபன், என அனைவரு‌ம் காலாவில் பளிச். பாடல்கள்  மிகப் பெரிய பலம்.  சந்தோஷின் பின்னணி இசை கூட கதை சொல்கிறது. 

படம் ஆரம்பித்த முதல் 20 நிமிடங்கள் மெதுவாக நகர்கிறது. அதன் பிறகு வேகமெடுக்கும் திரைக்கதையில், க்ளைமாக்ஸ் காட்சி வரை சுவாரஸ்யம் குறையவில்லை. 

தொடர்புடைய செய்திகள்

எப்படி இருக்கு ரஜினியின் காலா? எங்கெல்லாம் அரசியல் பேசுகிறார் காலா?

எப்படி இருக்கு ரஜினியின் காலா? எங்கெல்லாம் அரசியல் பேசுகிறார் காலா?

4226 views

"காலா" அரசியலுக்காக எடுக்கப்பட்ட படம் அல்ல - இயக்குநர் பா.ரஞ்சித்

"காலா" அரசியலுக்காக எடுக்கப்பட்ட படம் அல்ல, மக்களின் பிரச்சனையை பேசும் படம் - இயக்குநர் பா.ரஞ்சித்

167 views

காலா விவகாரம்: ரஜினி கருத்துதான் காரணம் - டிடிவி தினகரன்

காலா விவகாரம் : அரசியல் கட்சி தலைவர்கள் ஆதரவு தெரிவிக்காதற்கு ரஜினி தெரிவித்த கருத்துதான் காரணம் - டிடிவி தினகரன்

598 views

பிற செய்திகள்

சந்தானத்தின் "ஏ-1" திரைப்படத்திற்கு கடும் எதிர்ப்பு : தடை செய்யக்கோரி இந்து தமிழர் கட்சியினர் புகார் மனு

நடிகர் சந்தானம் நடிப்பில் வெளிவரவுள்ள ஏ-1 திரைப்படத்தை தடை செய்ய கோரி திருச்சி மாநகர காவல் ஆணையரிடம் இந்து தமிழர் கட்சியினர் புகார் மனு அளித்துள்ளனர்.

851 views

கல்வி தொடர்பான சூர்யாவின் கருத்திற்கு கமல் ஆதரவு - ஊக்கமளிப்பதாக கமல்ஹாசனுக்கு நடிகர் சூர்யா நன்றி

புதிய கல்வி கொள்கையை அறிமுகம் செய்தால் கிராமபுற மாணவர்கள் பாதிக்கப்படுவார்கள் என்று நடிகர் சூர்யா தெரிவித்த கருத்திற்கு பல்வேறு அரசியல் கட்சியினரிடையே எதிர்ப்பு அலைகள் எழுந்த நிலையில், இதற்கு நடிகர் கமல்ஹாசன் ஆதரவு தெரிவித்திருந்தார்.

55 views

"அக்யூஸ்ட் நம்பர் 1" திரைப்படத்திற்கு எதிர்ப்பு

நடிகர் சந்தானம் நடிப்பில் வெளிவரவுள்ள அக்யூஸ்ட் நம்பர் 1 திரைப்படத்தை தடை செய்ய கோரி திருச்சி மாநகர காவல் ஆணையரிடம் இந்து தமிழர் கட்சியினர் புகார் மனு அளித்துள்ளனர்.

60 views

"சாஹோ" : ரூ. 70 கோடியில் 8 நிமிட காட்சி

300 கோடி ரூபாய் மெகா பட்ஜெட்டில், SAAHO என்ற திரைப் படம் ஒரே நேரத்தில் இந்தி, தமிழ் மற்றும் தெலுங்கு என 3 மொழிகளில் தயாராகி உள்ளது.

644 views

"பிகில்" : சிங்க பெண்ணே ... பாடல் லீக்

பிகில் திரைப்படத்தில் ஏ.ஆர். ரஹ்மான் இசையில், வெறித்தனம்... என்ற பாடலை விஜய் பாடுவார் என முன்பு அறிவிக்கப்பட்டு இருந்தது.

237 views

புதிய கல்வி கொள்கை குறித்த நடிகர் சூர்யா கருத்து சர்ச்சையானது ஏன்...?

புதிய கல்விக் கொள்கை குறித்து நடிகர் சூர்யா தெரிவித்த கருத்துகளை சில அரசியல் தலைவர்களும், அமைச்சர்களும் விமர்சனம் செய்துவரும் நிலையில் மக்கள் நீதி மய்யம் கட்சித் தலைவர், நடிகர் கமல்ஹாசன் தனது ஆதரவினை தெரிவித்துள்ளார்.

181 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.